Ameslarien azken portua gara. Kolore guztiek oraindik ere lekua duten herria. Amets egitea ahantzi ez dutenen auzoa. Etorkinena, nekazariena, langileena, gazteena. Hiri turistikoaren beste aurpegia, trenbidearen beste aldea. Eta bihotzean ditugun ametsak idazteko sortu gara. Koloretako taupaden leihoa da hau.

2005-08-15

Bizikleta Martxa Berdea egin dute gazteek


Zarauzko gazteek, Azken Portuko jaietan antzerkia egin zuten bezala, Bizikleta Martxa Berdea egin dute gaur arratsaldean, lokal autogestionatu baten beharra aldarrikatzeko asmoz. Herriko gazte talde ezberdinek, bakoitzak antolatzeko leku bat behar duela iritzita, bat egin dute Bizikleta Martxa Berdearekin, eta dozenaka lagun elkartu da arratsaldean herriko kaleetan barrena, bizikletan. Musika Plazan elkartu dira, 17:00etan, eta herrian zehar, udaletxean eta beste hainbat lekutan, pankartak jarri dituzte, "badatorrela, badatorrela..." leloarekin. Txilibituekin eta oihuka, herrian zehar ere lelo hori zabaldu dute.