41 egun falta dira Azken Portuko festetarako

Uda giroa iritsi da, eta denbora aurrera doa. 41 egun besterik ez dira geratzen Azken Portuko jaietarako. Ohartzerako gainean ditugu herriko jai parte hartzaileenak. Egitaraua, antolakuntza, eta beste hamaika konturen berri emango dugu aurrerantzean blog honetan, Azken Portuko jaiei buruzko zalantza, iradokizun eta gainerako guztiak bertatik bertara ezagutzeko.

Azken ibaia kutsatzen duzuenean

Azken ibaia
kutsatzen duzuenean,
azken zuhaitza
mozten duzuenean,
azken arraina
harrapatzen duzuenean,
orduan soilik
ohartuko zarete
dirua ezin daitekeela jan.

Cree indiarren esaera

[Goiko argazkia: Artozki herriko plaza, hondeamakinek bertako etxeak eraitsi ondoren, 2003ko irailaren amaieran. Artozki Itoizko urtegia betetzearen aitzakian Nafarroako Gobernuak mapatik ezabatu dituen hamaika herrietako bat da].

Magia ezin da debekatu

Gaztelumendiri irakurri diogu, Larrabetzun san joan sua debekatu nahi izan duela aurten alkateak. Ez du lortu. Magia ezin da debekatu. Gauari ezin zaio edonola aurre egin. Azken Portun, oraindik, bizirik daude bihotzak. Taupadak sentitzen dira.

Ispilua gara

Ikus gaitzaten estaltzen gara.
Eta hemen gaude,
ikusteko eta erakusteko,
zuk begira gaitzazun,
zu begira zaitezen,
bestea
gure begiradan begira dadin,
hemen gaude,
eta ispilua gara.

Ez errealitatea, bere isla hutsa baizik.
Ez argia, distira ahul bat soilik.
Ez bidea, zapatak eta urrats batzuk besterik ez.


EZLN (Askapen Nazionalerako Armada Zapatista)